Nakarekord sang panibag- o nga kaso sang coronavirus disease ukon COVID-19 ang banwa sang Lake Sebu matapos nga pila ka bulan nga wala sang narekord tungod ang ulihi nga kaso ang sang Setyembre subong nga tuig.Ini ang nangin kumpirmasyon ni Municipal Health Officer Dra. Jocelyn Bayquin.
Suno kay Dra. Bayquin, anay returning OFW nga duha na ka bulan nga yara sa banwa kag nagnegatibo man sa virus ang panibag- o nga kaso.Apang nadiskubrihan nga positibo sa COVID-19 sang ginpaidalom sa swab test bilang watcher sang pasyenti nga ginrefer sa Davao.
Sa subong suno kay Dr. Bayquin padayon ang ila nga imbestigasyon kag contact tracing sa panibag-o nga kaso.
Samtang hingyo niya naman sa mga nagalagaw sa Lake Sebu nga magsunod gid sa ginapatuman nila nga health protocols matapos nga nagapabilin nga wala sang local transmission sang virus ang banwa.
