Giingong akto nasapon nila Jail Officer 1 Danilo Cotillar II ug Jail Officer 1 Edzel Mark Apao ang maong lalake nga giilang si Boyet Cuzo, 25 anyos, ug residente sa Barangay Leon Garcia, Agdao District, ning syudad nga nag-itsa og trisbe kon sigarilyo tungod sa dormitoryo sa prisohan sa mga kalalakin-an.
Ug tungod sa gibuhat ni Apao, gidakop siya sa duha ka Jail Officers ug gi-endorso sa Maa Police Station aron ipatala ang pagsuway og palusot sa sigarilyo sulod sa City Jail.
Apan ang Maa Police Station mitambag ngadto nila Apao ug Cotillar nga ipailawom sa Medical Examination sa Southern Philippines Medical Center si Apao pagpamatuod nga wala bun-oga ug maayo ang panglawas ni Cuzo dihang gidala sa duha ka Jail Officer sa istasyon ang dinakpan.
Hinoon, wala na gibutyag kon unsa nga kalapasan sa balaod nga maoy gamitong basihan sa pagsang-at og kaso sa kapulisan batok kang Cuzo human misuway og palusot og sigarilyo sa Davao City Jail.
RadyoMaN Joel Viray
