Davao City – Blangko pa ang Bunawan Police Station sa motibo sa pagpusil patay sa lalake nga nagbaktas sa may Baybay Inabangga, Barangay Bunawan alas-9:00 kagabii.
Wala pa sab mailhi sa kapulisan sa Bunawan ang armadong lalake nga miluthang patay kang Eugene Anzano Mosqueza, 31 anyos, nagpuyo sa susamang dapit.
Ang biktima giingong nag-inusarang naglakaw sa alley sa ilang lugar dihang kalit kini giduol ug gipusil sa wala mailhing suspek katulo ka higayon igo sa dughan nga miresulta sa iyahang hinanaling kamatayon.
Ang suspek gilayon misibat human nasiguro na niini nga wala na maglihok ang biktima samtang nagbuy-od ug naligo na sa kaugalingong dugo.
RadyoMaN Joel Viray
Facebook Comments
