Lifeline rate subsidy dad-on sa DLPC sa ka-barangayan

Davao City – Palapdan pa sa Davao Light and Power Company ang pagpasabot sa Lifeline rate subsidy pinaagi sa pagpaila-ila sa programa ngadto sa kabarangayan uban sa Department of Social Welfare and Development XI.

Sumala ni Fermin Edillon, Davao Light Community Relations Manager nga aduna nay girekomendar ang DSWD XI nga mga kabarangayan sa syudad sa Dabaw aron ilang himuon ang information and education campaign kabahin sa lifeline subsidy alang sa mga konsumante nga 4ps beneficiaries ingun man mga indigents.

Matud ni Fermin nga ilang tutokan ang pagpasabot sa konsumante nga membro sa 4ps ingun man kadtong mga indigents nga dili membro apan ang income nahisakop sa poverty threshold nga nagakunsumo ug kuryente dili musobra sa 100 kilowatt per hour.

Nagbutyag ang community relations manager sa DLPC nga ang mga membro sa 4ps nagkinahangalan lamang nga mufill-up sa form, latest electricity bill, valid government issued I. D. ug ana-a sa listahan isip DSWD 4ps beneficiary samtang ang non 4ps beneficiary mukuha lamang ug sertipikasyon nga indigent sa MSWD o CSWDO.

Gidugang ni Fermin nga ubay-ubay na ang mga ni-apply sa lifeline rate subsidy sa tinguha nga maka-angkon ug diskwento sa ilang monthly elecricity bill.

RadyoMaN Erin Lumosbog