Davao City – Wala na matabang pa sa Southern Philippines Medical Center (SPMC) ug nakabsan gayod sa kinabuhi ang usa ka lalake kinsa nalumos sa Davao River sa may Mandug, Buhangin ning siyudad.
Giila ang biktima nga mao si Rolando Manait Jose, 46 anyos, dunay kapuyo, ug residente sa Riverside Bayanihan, DDF Village, Mandug.
Sumala sa igsoon sa biktima nga si Olivia Jose, bandang alas-2:50 sa kahapunon nahulog ang biktima sa sapa ug gumikan sa ka-brown ug kakusog sa tubig wala na nila matabang kini.
Pipila ka minute ang nakalabay narekober sa mga kabanay ang lawas sa biktima hinungdan dali nila kini gidala sa SPMC apan gideklara kining dead on arrival sa doktor nga mihiling niini.
Wala na gisaysay ni Olivia ngadto sa mga imbestigador sa presinto ang rason sa pagkalunod sa iyang igsoong biktima.
RadyoMaN Joel Viray
