Dinas, Zamboanga del Sur- Patay human gipusil ang usa ka lalake didtong dapita sa Purok 5, Brgy. Gunicolalay, Dinas, Zamboanga del Sur sa may 11:40 sa buntag kagahapong adlawa. Ang biktima naila sa pangalan nga si Adolfo Jumawan Canencia, 37 anyos, lalake, minyo, og usa ka fishpond caretaker diin mulupyo sa nahishutang lugar.
Sumala pa, sa initial nga inbestigasyon nga nagsakay kining nasangpit sa iyang motorsiklo samtang padulong ngadto sa iyang baka nga gitigway apan kalit lamang kining gipusil sa mga wala naila nga mga suspetsado.
Human sa nahisgutang pagpamusil ang bitima nakahiagom og mga igo pinusilan sa iyang ulo og tuhod nga maoy nahimong hinungdan sa iyang hinanali nga kamatayon. Samtang ang mga suspetsado usab ang kalit nga misibat ngadto paingon sa Sitio Baca, Brgy. Nian, Dinas, Zamboanga Del Sur.
Ang motibo sa maong pagpamusil ang padayon pa nga gitino sa mga kapulisan. Dugang pa niini, nakuha sa dapit hitaboan ang walo ka mga basyo sa Caliber .45, siyam usab ka basyo og bala sa caliber 5.56 nga pistola.
Sa pagkakaron, padayon pa ang inbestigasyon nga gipahigayon sa Dinas Municipal Police Station aron mapanubag ang mga suspetsado nga responsibly sa pagpusil patay sa biktima.
