Davao City- Gikumpirma ni Talomo Police Station Chief of Police Major Noel Villahermosa nga mireport sa ilang buhatan ang usa ka Elsa Cadungog aron magpatala mahitungod sa pagkawala sa iyang bana nga si Rodrigo Cadungog, 56 anyos, Panday, ug nagpuyo sa Purok 3-A, Badon Compound, Matina Pangi sukad milakaw kini niadtong Mayo 30, 2023.
Sa interview sa DXDC RMN Davao kang Major Villahermosa, giingon niini nga nananghid si Rodrigo sa iyang Misis nga si Elsa nga mulakaw aron mangita og trabaho bandang 7:00 sa buntag niadtong adlaw’ng Martes, apan wala na makauli hangtud karon.
Si Rodrigo, usa sa mga unang nakakita ug nitabang kang Dennis Panzan kinsa giposasan, gitabonan ang mga mata hinungdan nga gidala niini ang biktima kang Kapitan Benjamin Badon.
Giingong gidagit si Denniz Panzan, 23 anyos sa Calinan area ug ang maong batan-on nakabsan ra usab sa iyang kinabuhi sulod sa pribadong ospital.
Apan dili pa masulti ni Villahermosa kon gidagit ba o missing si Cadungog kay nagpadayon pa ang ilang imbestigasyon kabahin niini.
RadyoMaN Joel Viray
Facebook Comments
