Davao City – Personal nga bangi ang ginalantaw karon nga motibo sa Babak PNP sa Island Garden City of Samal (IGaCoS) kalabot sa pagtigbas sa usa ka lalaki sa Bucaran, Babak, Samal, Davao del Norte alas-12 sa kadlawon niadtong May 30, 2023.
Sa interbyu sa DXDC RMN Davao sa Babak PNP, giila niini ang biktima nga si Marjon Tingal. Samtang ang suspek sa pagpanigbas mao si Robert Sante, pulos 29 anyos ug residente sa Babak.
Matud sa imbestigasyon, nagkalalis ang biktima ug ang suspek ayha nahitabo ang insidente nga miresulta sa pagdunggab sa biktima nga samaran human naigo sa iyang ulo, kamot ug tuhod.
Matud sa asawa sa biktima, conscious na ang iyang bana nga anaa karon sa ospital ug gitakdang sementohon ang kamot niini nga maoy nagrabehan.
Padayon karong naglusad og hot pursuit operation ang Babak PNP aron madakpan ang suspek.
RadyoMaN Kirby Manzon
Facebook Comments
