Davao City – Gipasakaan na og kasong kalapasan sa Republic Act 10591 ang usa ka lalake nga nakuhaan og pistola nga walay lisensiya.
Ang suspek nga si Jayhale Castillo, 27 anyos, ulitawo nagpuyo sa Purok Dahlia Barangay Visayan Tagum City, Davao del Norte nakumpiskahan og .38 revolver nga pistola nga dunay unom ka bala sa checkpoint sa kapulisan 11:00 sa gabii.
Nasayran nga pakyas si Castillo sa pagpresentar og mga dokumento nga magsuporta kun legal ba ang iyang pagkupot og pistola.
Busa gilayon gidakop sa kapulisan ug gibalhog sa Tagum City Police Office ang suspek aron taralon sa korte gumikan sa mao nga kalapasan.
Giingon ni PRO 11 spokesperson Chief Inspector Milgrace Driz nga ang pagsikop kang Castillo kabahin kini sa gipakusgan nga kampanya batok sa loose fire-arms,kontra kriminalidad ug pagsanta sa mga dautang elemento.
RadyoMaN Joel Viray
