Davao City – Naka angkon og paso sa lawas si Jezrel Arnaiz, usa ka installer, residente sa Marfori ning siyudad sa Davao human kini aksidenteng nasunog nahitabo pasado alas-5:00 kagahapon.
Matud pa sa mga residente nga maoy nakakita sa maong hitabo, buot butangan og gasolina ni Arnaiz ang iyang sakyanan apan nagsindi ang kauban niini og lighter aron manigarilyo gani didto gidakop sa kalayo ang gasolina nga gigunitan sa maong biktima hinungdan sa pagkasunog sa pipila ka parte sa lawas niini nga miresulta sa pagkalapnos sa panit ug dughan nga bahin apil ang kamot niini.
Nag ligid-ligid ang biktima sa yuta aron mapalong ang kalayo nga nagsiga sa iyang lawas.
Daling gidala ang biktima sa Southern Philippines Medical Center (SPMC) ug padayong ginatambalan kinsa naka angkon og second degree burn.
Radyoman Don Pulayao
