General Santos City— Dakpan human girespodihan sa kapulisan ang taho sa usa ka concerned citizen nga adunay lalaking nagdala ug armas. Sumala kang Police Senior Inspector Peter Pinalgan Jr. hepe sa Police Station 3 nga ang suspek nailang si Danny Boone Garcia, 38 anyos nga residente sa Kiayap, Maitum, Sarangani.
Nakuha gikan sa suspek ang usa ka 357 revolver samtang kini nag-inom sa usa ka imnanan nga nahimutang sa Prk. 15, Zone 4, Brgy. Lagao ning dakbayan.
Dugang pamahayag ni PSI Pinalgan nga sa karon ginasuta pa nila kung unsa gyud ang trabaho sa suspek gumikan basi sa naunang pamahayag niini usa matud pa siya ka security guard.
Apan wala matud pa kini mapakitang igong dukumento sa armas nga gihuptan niini rason nga nakatakda siyang pasakaan ug kasong paglapas sa R.A 10591. Sa kasamtangan, anaa na naka-kustudiya sa lock up cell sa Police Station 3 ang suspetsado.
