General Santos City—Sikop sa operatiba sa Police station 3 ang usa ka Fernando Bentura, 34 anyos nga taga Purok MInanga, Barangay Buayan, Gensan atol sa gilusad nga buybust operation sa may National Highway ilawom sa area of responsibility sa Police Station3.
Alas 9:00 ang takna sa gabie dihang gilusad ang operasyon batok sa suspek kung asa malampuson kining napalitan ug usa ka sachet sa gituohang shabu gamit ang P500.00 nga marked money.
Wala na makapalag pa ang suspek human nga makorner sa kapulisan. Nasayran nga ayha gihimo ang operasyon batok sa suspek usa ka simanang gipailawom sa surveillance ang nasampit ug pila na usab ka higayon nila kining napalitan ug iligal nga droga atol sa gihimo nilang test buy ngadto sa suspek.
Sa karon ang suspetsado balhog na sa silda sa Police Station 3 ug takda na kining kasuhan ug kalapasan sa RA9165.
