General Santos City—Sikop sa operatiba sa Police Station 2, sa pakig-alayon sa PDEA-12 ug uban pang unit sa kapulisan ang usa ka Joel Pascua nga taga Phase 2, Dona Solidad, Barangay Labangal, Gensan atol sa gihimong buy-bust operation nga ilang gipahigayon sa may Olarte State alas 12:00 ang takna sa udto kagahapong adlawa.
Nasikop ang nasampit nga suspetsado human kining napalitan ug duha ka sachet sa gituohang shabu gamit ang P500.00 nga marked money.
Wala na nakapalag pa ang suspetsado dihang na-corner kini sa otoridad. Sa karon ang suspek balhog na sa silda sa Police Station 2, samtang giandam na ang kasong kalapasan sa RA 9165 nga ipasang-at batok kaniya.
Facebook Comments
