Nasikop sa hiniusang puwersa sa mga personahe sa tantangan MPS sa pagpanguna ni Police Captain Romeo Albano Jr. ,SCPDEU,1205th Mancoy,RMFB 12,1st SCPMFC ug PDEA 12 ang usa ka Raymond Aguilar, hamtong ang pangidaron, residente sa Tantangan Sot .Cot sa gipahigayong buy-bust operation sa Purok Mahigdaiton, brgy. Libas, sa nasampit nga munisipyo pasado alas 4:00 sa hapon.
Sumala pa ni Police Captain Romeo Albano Jr. nga atol sa operasyon napalitan ang suspek ug usa ka pakete nga dunay sulod sa gituohang pinaugang dahon sa marijuana sa usa ka poseur buyer gamit ang P150 .00 nga buy-bust money.
Nakuhaan usab sa posisyon ang nasampit ug lain pang usa ka pakete nga dunay sulod sa dahon sa marijuana ug mga illegal gambling paraphernalia’s ingon man kwarta nga mobalor sa 130 pesos sa nagkada -iyang denominasyon.
Gipaklaro usab sa opisyal nga ang dinakpan ang wala sa listahan ug gikonsidera nila kining newly identified nga dugay na nilang ginamonitor nga nalambigit sa ginadiling droga.
Sa kasamtangan balhog na sa selda sa Tantangan MPS ang suspek, samtang gihikay na sa kapulisan ang duha ka kaso nga atubangon niini sa kalapasan sa RA 9165 kon nailang Comprehensive Of Dangerous Drugs Act of 2002 ug RA 9287 kon illegal numbers game. (Reynald Timario)
