Lalaki dakpan sa kawat

56

Davao City – Dakpan sa Talomo PNP ang usa ka suspek nga matud pa nisulod sa usa ka panimalay ug nanakmit og gamit.

Suspek naila nga si Bryan Dumagsa alyas ‘Putot’, 19 anyos, walay trabaho ug residente sa Gravahan, Matina.

Sa blotter sa Talomo PNP, alas tres sa kadlawon kagahapon nisulod ang suspek sa panimalay ni Belina Clemento Valerio, 61 anyos, residente sa nahisgutang lugar.

Pugsanon nga misulod matud pa ang suspek sa ilang balay ug sa iya kining nabantayan, daling misinggit ug nangayo’g pakitabang sa iyang silingan nga mao usab ang nagtawag sa kapulisan sa Talomo PNP.

Apan ayha pa man makaabot ang mga awtoridad sa lugar, misulay sa pagdagan ang suspek bitbit ang sling bag sa complainant nga dunay sulod nga mga gamit lakip ang cash.

Nahitabo ang ginukoray ug pinaagi pagtabangay sa katawhan ug kapolisan, nadakpan sa gihapon kining maong nga suspek.

Nakuha gikan sa possesion sa lalaki ang maong sling bag ug kasamtangang balhog na sa prisohan diin posibleng moatubang sa kasong robbery.

RadyoMaN Paul Canono

Facebook Comments