General Santos City—Sikop ang usa ka Jomar Licanda nga taga Purok Islaum, Barangay Kablacan, Maasim, Sarangani Province atol sa gihimong Search Warrant Operation sa kapulisan ngadto sa iyang panimalay niadtong nakalabayng adlaw.
Nasayran nga nakuhaan ug iligal nga droga ug bala sa pusil ang panimalay sa suspek dihang gihimo ang operasyon.
Una nang nakadawat ug report ang kapulisan nga matud pa nalambigit sa iligal nga droga ang nasampit mao nga nagpahigayon sila ug surveillance ngadto sa nasampit.
Nagpahigayon usab gilayon sila ug operasyon pinaagi sa search operation aron sayron kung may gitaguan ba nga iligal nga droga ang suspek.
Sa karon ang suspek anaa na sa silda sa Maasim PNP ug nakatakda na usab nga pasakaan ug kaso.
Facebook Comments
