Patay ang usa ka lalaki human kini gidunggab sa iyang kainom bandang alas 6 ang takna sa sayong buntag niadtong Dominggo diha sa may Barangay Villaverde sakop ning dakbayan sa Iligan.
Biktima nailang si Timoteo Ramos, 48 anyos minyo usa ka construction worker nga taga Purok orchids villaverde, ning syudad sa Iligan.
Sa initial nga imbestigasyon sa kapulisan, nga gikan nag vigil ang maong biktima, ug nakahapit kini sa mga nag inom sa maong dapit.
Kalit lang matud pa nga gidunggab kini sa suspek gamit ang usa ka malantip nga hinagiban ug maayong pagka igo sa walang bahin sa dughan .
Nadala pa sa tambalanan ang maong biktima pinaagi sa mirespondeng rescue 811 apan nakabsan kini sa iyang hinulamang kinabuhi.
Sa karon, duna nay mga tawo ang giimbestigahan sa kapulisan nga mihimo sa maong krimen.
