Davao City- Patay ang usa ka 41 anyos nga lalaki human kini gidunggab alas 8:00 sa gabii natigayon sa Purok 3 San Isidro Bunawan District ning dakbayan.
Sa record gikan sa Davao City Police Office, naila ang biktima nga si Antonio Salira samtang ang suspek mao si Renato Canonigo 40, pareho nagpuyo sa nasampit nga lugar.
Nigawas sa imbestigasyon sa Bunawan PNP, ang motibo sa pagpangdunggab mao ang wala pagsustento sa biktima sa igsoon sa suspek nga ka live in niini.
Gisuwayan pa og dala ang biktima sa Southern Philippines Medical Center aron patambalan apan gideklara kini sa mga attending physician nga dead on arrival.
Ang patayng lawas sa biktima anaa gihaya sa Rivera Funeral Homes sa Licanan Brgy. Lasang ning dakbayan samtang ang suspetsado banlug na sa Bunawan PNP ug gihikay na ang kasong pagpatay aron iduso sa kapulisan ngadto sa prosecutor’s office.
RadyoMan Don Pulayao
