Davao City- Gisusi pa karon sa kapolisan sa Bunawan kung unsay motibo sa pagtigbas-patay sa usa ka lalaki kagabii sa Licanan, Bunawan District syudad sa Davao.
Ang biktima giila nga si Ronilo Martin Moile, 38 anyos ug nagpuyo sa Purok 10 Reyes Compound, Bosque, Bunawan District syudad sa Davao.
Subay sa report gikan sa Bunawan Police Station pinaagi kang PO2 Noel Tapera, imbestigador sa kaso, natigayon ang insidente alas 7:10 kagabii diha sa Dole Phillipines Inc., Stanfilco Division, Licanan, kalit na lamang giduol ug gitigbas igo sa liog ang biktima sa wala mailhing lalaki nga miresulta sa iyang kamatayon.
Human sa insidente ang wala mailhing suspetsado gilayong milayas, samtang ang biktima gihatod sa punerarya.
Kasamang Don Pulayao
Facebook Comments
