General Santos City—Angol ang biktimang si Abdul Esmal, 25, residenti sa Purok Saway, Labangal human kining gibunalan ug bato sa wala pa mailhing suspek ala 1:50 ang takna sa kabuntagon sa may Purok Olarte, Barangay Labangal, Gensan.
Sa record sa Dr. Jorge Royeca Hospital, nasayran nga angkas ang biktima sa motorsiklo sa iyang amigo, miagi sila sa lugar dihang kalit lang kining gibunalan ug bato sa suspek.
Igo ang biktima sa iyang ilong nga hinungdan sa pagkasamad niini. Paspas ngamisibat ang suspek samtang ang biktima gidala dayon sa Dr. Jorge Royeca Hospital.
Sa karon nagpadayon pa ang gihimong imbistigasyon sa kapulisan kalabutan sa maong insidenti.
Facebook Comments
