General Santos City—Samdan nga gidala sa Dr. Jorge Royeca Hospital ang usa ka Jerson Gabito, hingkod ang panuigon nga taga Nursery Road Barangay Lagao, Gensan human kining gibunalan ug kahoy sa wala pa mailhing suspetsado sa area sa VSM, sakop sa barangay San Isidro, Gensan.
Subay sa nakatala sa blotter book sa Dr. Jorge Royeca Hospital, nibisita ang biktima sa iyang amigo sa maong lugar ug nakig-inuman matud pa kini apan alas 11:00 ang takna sa gabie dihang pauli na unta ang biktima, siya giatngan sa wala mailhing suspek ug gibunalan ug kahoy sa iyang ulo.
Paspas nga misibat ang suspek sa wala sayring lugar samtang ang biktima, gidala dayon sa ospital.
Sa karon ang kapulisan ginasuta pa ang motibo sa krimen apil na ang mga responsable niini.
