General Santos City—samdan ang usa ka lalaki human kining gidunggab sa grahe sa mga sakyanan sa Datun Trucking nga makaplagan sa De Castro Subdivision, Brgy. Can. Site, PSC alas 4:30 sa hapon, kaniadtong nilabayng adlaw.
Giila ang biktima nga si Janix Villa, 20 anyos, minyo, usa ka helper ug residente sa Purok Maligaya, Brgy. Datal Bato, Malungon, Sarangani Province.
Base sa imbestigasyon sa Polomolok Municipal Police Station, giduolan sa suspek nga si Rodel Dela Cruz ug duha ka mga kaubanan niini ang maong biktima samtang nagtindog sa maong lugar.
Way sulti-sulti, ilang gidunggab ang biktima igo sa iyang tyan nga bahin. Human sa pagpanunggab, paspas nga misibat ang mga suspek padulong sa People’s Village, Polomolok.
Subay sa taho sa mga testigo, alas 4:00 ang takna sa hapon ayha ang nahitabo ang pagpanunggab, nagbingkil matud pa ang suspek nga si Rodel ug usa ka Reymark Malumpong, driver sa Datun Trucking.
Posibling naalaan lang ang biktimang si Janix nga mao si Reymark Malumpong mao nga siya ang gidunggab sa suspek. Sa karon, nagpaalim pa biktima ang biktima sa Howard Hubbard Memorial Hospital.
