Samad sa tuo nga bahin sa kilid ang naangkon sa usa ka lalaki human nga gidunggab kagahapong adlawa.
Ang biktima nailang si Ricky Arnado, 24 anyos ang panuigon, ulitawo , usa ka mag uuma, taga Sta. Cruz Barangay Rogongon ning dakbayan sa Iligan.
Sumala sa inahan niini, alas dos kapin kun kulang ang takna sa hapon samtang naglingkod ang maong biktima sa usa ka waiting shed sa maong dapit, kalit lang siya giduolan sa suspetsadong si Virgillio Entero, hingkod ang panuigon nagpuyo sa susamang lugar, ug gidunggab gamit ang usa ka sundang.
Ang biktima daling gidala sa City Hospital aron gilayong katambalan.
Samtang ang suspetsado, nagtingkagol na karon sa presohan ug pursigido ang pamilya Arnado nga mupasaka ug kaso batok niini.
