General Santos City—Samdan ang usa ka Bengie Basinio, legal age, residenti sa Barangay Magsaysay, Polomolok, South Cotabato, human giluba sa iyang kaubanan sa inum sa may Barangay Olympog, Gensan alas 7:00 ang takna kagabie.
Sa impormasyon nga nahagpat sa RMN News Team sa Dr. Jorge Royeca Hospital nasayran nga nag-inum matud pa ang biktima uban sa iyang mga kaubanan sa trabaho.
Apan dihang nangahubog, nagbingkil ang mga nahisgutan nga misangko sa pagpanunggab. Gitabangan matud pa ang biktima sa duha ka mga suspetsado diin nakaangkon kini ug samad sa iyang likod ug dunggan.
Paspas sab nga misibat ang mga suspek sa wala sayring lugar samtang ang biktima gidala gilayon sa balay tambalanan.
Sa karon nagpadayon ang gihimong imbistigasyon sa kapulisan kalabutan sa insidenti.
