Dipolog City – Usa ka pagpanduggab ang nahitabo sa may Looc, Brgy. Estaka ning dakbayan sa miaging gabii kon diin ang bikitma naila nga si Raymond Ruiz Tortal, 44 anyos samtang suspek ang iya ra sab nga silingan nga si Rico Salamero hingkod ang edad. Subay sa imbestigasyon sa kapolisan ning dakbayan nasayran pasado 11:50 sa gabii kining biktima lango sa ilimnong makahubog adunay pagnaglalis sa iyang asawa sulod sa ilang panimalay. Sumala pa nga kalit lang nibutho sa panimalay ang suspek nga lango sab sa ilimnong makahubog ug nakisaw-saw sa lalis magtiayong nga nisangpot na hinuon sa pagdungab gamit hait nga butang. Samad sa dughan ang naakon sa biktima kinsa daling gidala sa Corazon C. Aquino hospital aron katambalan, hinuon anaa na sa luwas nga kahimtang. Samtang ang suspek bogbog sarado sa mga silingan human gitabangan kulating, nga mayong pagka block eye sa iyang mata ug bog-og sa dagway. Si SPO3 Edrin Aquino imbistigador sa kaso nibutyag nga karon adlawa gikatakda nilang ipasaka sa City Prosecutor Office ang kasong attempted homicide batok sa suspek.
