Davao Occidental- Pagpanimalos ang motibo sa pagpatay sa usa ka tawo nga nakit-ang wa nay kinabuhi human gigulgol ang liog sa Sitio Manga, Barangay San Roque, Sta.Maria, Davao Occidental.
Sa interview sa DXDC RMN Davao, gisulti ni P03 Angelo Rayos imbestigador sa kapolisan sa Sta.Maria Davao Occidental, pagpanimalos ang motibo tungod kay ang biktima nga si Sangtuwa Salda, 47 anyos ug nagpuyo sa maong lugar nakapatay usab kini sa dugay nang panahon sa ilang ka tribo.
Katapusang nakit-an ang biktima nga nag-inom pa sa ilang balay anang gabii kauban sila si Brendo Tulundon , Cesar Loreto Amisugan ug lain pang usa ka lalaki. Matud pa dunay natigayong lalis tali sa usa sa tulo ka mga lalaki ug biktima, una pa man nakit-ang wa nay kinabuhi.
Ang biktima napalgan na lamang nga way kinabuhi daplin sa dalan sa usa ka driver nga miagi sa maong lugar niadtong tungora.
Kasamang Bernard Pantallon
