South Cotabato – wala makalingkawas sa kamatayon ang usa ka lalaki human kining gihapak ug tubo samtang kini anaa sa ilang bunk house sa Sitio Lacag, Barangay Laconon, Tboli, South Cotabato.
Biktima giilang si Mamerto Monarca, 45, empleyado sa Diordan Construction ug residente sa Alabel, Sarangani Province. Suspek sa krimen nailang si Antonio Tuburan, 55, minyo, empleyado sa samang kumpanya, residenti sa Barangay Banate, Malungon, Sarangani Province.
Sa inisyal nga imbistigasyon nasuta nga ayha nahitabo ang krimen naglalis matud pa ang biktima ug ang suspek nga misangko sa pagpamunal sa suspek ug tubo ngadto sa biktima.
Samad sa ulo ang naangkon sa nahisgutan nga nahimong hinungdan sa iyang kamatayon. Paspas nga misibat ang suspek human sa insidenti, samtang ang biktima wala na madala pa sa ospital human nga nakabsan gilayon ug kinabuhi.
