Davao City – Dead on arrival nga nahidangat sa Southern Philippines Medical Center (SPMC) ang usa ka alyas Ric-Ric, hingkod ang edad, human giluba ala-1:30 sa kaadlawon sa Bolton Bridge siyudad sa Davao.
Sa report gikan San Pedro PNP, naila ang suspetsado nga si Ronie Boy Mayaw, 24 anyos, nagpuyo sa nasangpit nga lugar.
Matud pa samtang ang suspek natulog niadtong tungora kalit niabot ang biktima kauban ang iyang kalive in partner ug didto nagkalalis ang suspek ug ang biktima diin gidunngab ang biktima tumong sa nagkadaiyang parte sa lawas.
Human sa hitabo daling gidala ang biktima sa SPMC apan gediklara sa mga attending physician nga dead on arrival samtang suspek boluntaryo nitahan sa iyang kaugalingon sa San Pedro PNP.
Ang suspetsado balhog na sa selda sa kapolisan ug gihikay na sa awtoridad ang kasong pagpatay aron nga mapasaka ngadto sa korte.
RadyoMaN Don Pulayao
