Davao city – Nabuslot ang kilid nga bahin sa lawas sa ulitawo human lubaa sa kontra sa iyang manghod nga nahitabo sa Purok 6, Bago Oshiro Tugbok ning dakbayan alas 3:15 sa kadlawon.
Abtik gisapupo sa maguwang ang biktima nga si Jomar Gabato, 27 anyos paingon sa Southern Philippines Medical Center pasado 4:00 sa kadlawon.
Suma sa maguwang niini nga si Margie nga gisulong matud pa sa iyang igsoon ang nakontra sa ilang manghod apan wala dahuma sa biktima nga nagbitbit diay og gunting ang suspek.
Giluba sa maka-usa ka higayon si Jomar tumong sa kilid sa lawas ug maayo na lamang kay dili fatal ang iyang igo mao nga luwas na kini sa makuyaw nga kahitang human dad-a sa SPMC.
RadyoMaN Joel Viray
Facebook Comments
