Padayon pa karong gipangita sa kapulisan sa Mutia ang responsible sa pagpangluba didto sa Brgy. New Siquijor, Mutia, ZDN.
Sa nakuhang impormasyon gikan sa PNP Mutia, giila ang biktima nga si Richard Tugot, 37 anyos kinsa giluba ni Felix Roma, gamit ang bulang sa manok.
Sa wala pa nahitabo ang insidente, nag inom pa kining biktima ug suspek didto kilid sa covered court sa mao nga barangay.
Wala nagtuo ang biktima nga dunggabon siya sa suspetsado sa dihang miduol ka niya. Samad sa dughan ang naangkon niini, ug gidali pag dala sa balay tambalanan.
Personal nga bikil ang gitan-aw karon nga hinungdan sa kapulisan sa Mutia.
Samtang sa laing bahin dakpan usab si Julius Antugon, 34 anyos sa mga pulis sa Sindangan human gisilbihan ug warrant didto sa Sitio Makayas, Brgy. Mandih, sakop sa mao nga lungsod.
Nag atubang kini sa kasong Frustrated murder sukad pa niadtong Pebrero 28, 2020.
Walay pyansa nga gitagana ang korte bugti sa iyang temporaryong kagawasan.
