Lalaki ginbuno sa belasyunan, igo sa kilid kag kamot

15

LA CASTELLANA, NEGROS OCCIDENTAL – Ginbuno sang iya man lang amigo ang isa ka lalaki sa bilasyunan kagab-i sa banwa sang La Castellana.

Nakilala ang biktima nga si Jeno Edon, 30 anyos ang edad, pumuluyo sang Brgy. Mansalanao, banwa sang La Castellana.

Suno sa biktima nga may mga las 9:30 kagab-i ini siya ang nagpulaw sa isa ka namatyan upon ang iya mga kaabyanan.

Apang sa wala nahibaluan nga rason, ginpahayag sang biktima nga ini siya ang hinali na lamang nga ginbuno sang iya upod nga amigo kag naigo sa iya wala nga kilid kag wala man nga kamot.

Ang biktima dali-dali nga gindala sa Corazon Locsin Montelibano Memorial Regional Hospital kon diin padayon ini karon nga ginabulong./dyHB BACOLOD

Facebook Comments