BACOLOD CITY – Nag-angkon sang siyam ka menor nga mga pilas ang isa ka lalaki matapos ini ginpulihan buno sa isa ka videoke bar kagab-i sa Brgy. Mansilingan, Bacolod City.
Ang biktima ginkilala kay Carlito Frances, 32 anyos ang edad, soltero kag pumuluyo man sang amo nga barangay.
Suno sa nobya sang biktima nga may mga las 10:45 kagab-i sang natabo ang amo nga insidente sa sulod sang isa ka videokihan malapit sa Victorina Heights, Brgy. Mansilinga, diri sa ciudad sag Bacolod.
Pahayag sang girlfriend nga may nagpalapit sa ila nga tatlo ka mga lalaki kag nakibot sila sang hinali na lamang nga ginbuno sang mga ini ang suspek.
Nag-angkon sang 4 ka pilas sa iya likod, 3 sa wala nga kamot kag 2 sa iya tuo nga kamot ang biktima kag dali-dali nga gindala sa Corazon Locsin Montelibano Memorial Regional Hospital./DYHB NEWSROOM
