![image.png](https://i0.wp.com/rmn.ph/wp-content/uploads/2020/07/image-114.png?resize=280%2C350&ssl=1)
Patay ang isa ka lalaki matapos ini gintiro sang riding in tandem las 9:15 sini gid lamang nga aga sa National highway sa area sang Puting-tubig, Brgy. Daga, Cadiz City.
Base sa record sang Cadiz City Police Station, ang biktima ginkilala kay Jose Renante Fernandez, 44 anyos, kasado kag pumuluyo sang Hda. Nabinay, Brgy. Daga, ciudad sang Cadiz.
Sandig sa inisyal nga imbestigasyon sang Cadiz CPS, ang biktima nagasakay sa motorsiklo nga gina-maneho ni Jerson Pechon halin sa ila lugar kag buot kuntani magkadto sa Cadiz City proper.
Apang sa ila pag-abot sa amo nga lugar, may duha ka wala makilala nga mga lalaki nga naga-angkasanay sa motorsiklo, wala sang facemask, naka jacket kag hinali na lamang nga gintiro ang backrider nga biktima.
Nag-angkon sang igo sa wala nga portion sang iya ulo ang biktima sa diin gindala pa ini sa Cadiz City Emergency Clinic apang pila ka minutos ang nakaligad, ini ang gindeklarar nga dead on arrival (DOA) sang attending physician.
[image: image.png]