General Santos City—Magpadayon ang mga kasong gi-atubang ni Joel Apolinario, founder sa KAPA dinhi sa Gensan human kining madakpan sa Bislig, pinasikad sa warrant of arrest ug search warrant operation gikan sa Cagayan De Oro City.
Pamahayag ni Regner Peniza, labaw sa NBI-SARDO nga pabiling dunggon ang mga kaso ni Apolinario sa Gensan hilabina nga adunay-ubay-ubay nga mga nagreklamo batok kaniya nga biktima sa KAPA Ministry International.
Apan magadepende na matud pa kung kanus-a ang schedule nga hearing sa syudad ug higayon nga kini itakda sa korte, pagadad-on sa Gensan si Apolinario uban ang mga dinakpan nga una ng napagawasan ug warrant sa korte sa dakbayan.
Dugang pamahayag ni Pineza nga sa criminal case lakip sa gina-trial mao ang civil liability rason nga magadepende na sa korte kung unsaon sa pag-assess ang danyos ngadto sa mga nahimong biktima.
Sa karon, siya nagtuo nga wala gyuāy mabalik nga kwarta ngadto sa mga miyembro hangtud nga dili ma-imbentaryo ang tanang asset ug propedad ni Apolinario ug sa KAPA.(LVR)
