Davao de Oro – Gilantaw karon nga motibo ang love triangle sa pagpatay sa usa ka lalaki human giluba alas 12:30 ang takna sa kadlawon sulod sa Brgy. Cabinuangan, New Bataan, Davao de Oro.
Biktima mao ang 33 anyos nga si alyas Roy, skilled worker, residenti sa New Bataan samtang suspek giilang usa ka Remar Villacin, 32 anyos, vegetable vendor ug residenti sa Compostela.
Sa report sa New Bataan Police Station, nasayran nga gisulod sa suspek ang biktima sa likod nga bahin sa eskwelahan o kadtong quarantine facility ug didto duna matud pay nahitabong pag inilogay sa kutsilyo ug komosyon hinungdan nga nasamdan ang suspek ug namatay ang biktima.
Dali misibat ang suspek ug mitahan sa iyang kaugalingon sa kapulisan sa lungsod sa Compostela ug gi-turn over ngadto sa New Bataan PNP.
RadyoMaN Jules Catisay
