Pagadian City – Gipili sa 34 anyos nga lalaki nga sugaton ang bag-ong tuig sulod sa prisohan dihang nitahan kini sa buhatan sa kapulisan sa syudad sa pagadian human sa tulo ka adlaw nga pagtago-tago gumikan sa krimen nga iyang nahimo sa ilang lugar.
Boluntaryo nga nitahan si Renie Galvinez, mag-uuma og lumulupyo sa Prk. 2, Brgy. Linconan, Bonifacio, Misamis Occidental.
Nisugid si Renie nga napatay niya pinaagi pagluba niadtong desyembre 24 niining tuiga ang iyang silingan nga nag-ngalang Jezrel Labansa.
Kasamtangan nga gikostudiya sa Pagadian City Police Station Lock-up cell si Galvinez samtang naghulat nga kuhaon sa kapulisan sa lungsod sa Bonifacio.
Facebook Comments
