Nabunalan ug dos por dos ang usa ka 23 anyos nga lalaki human nagpada kini ug “text message” ngadto sa usa ka babayeng minyo.
Ang nabun-og intawon tungod sa pagbunal-bunal kaniya ug dos por dos mao si Jay-ar Cadayola nga taga Mantalongon Barili , samtang nibunal niya mao ang 36 anyos nga si Dennis Abellanida.
Gikasuko sa bana ang text message nga gipada ni Cadayola ngadto sa iyang asawa hinungdan nga iyang gibunal-bunalan ang biktima.
Wa hinoon idetalye sa kapolisan sa Barili kung unsa gyud ang unod sa text message nga nakapasuko sa bana.
Leksiyon ni sa ubang mga lalaki nga magpaturagas lang sa pagpada ug text message ngadto sa mga babaye nga di una susihon kung wa bay masuko.
Facebook Comments
