Dumingag, Zamboanga del Sur-Anaa karun sa balay tambalanan ang 55 anyos nga lalaki human kini gipusil sa iyang kaugalingong igsoon alas 08:30 ang takna sa kagabii dihang dapita sa Purok Riverside, Sitio Tumoy, barangay Lower landing, Dumingag, Zamboanga del Sur.
Naila ang biktima nga si Norberto Tudtud Jalalon usa ka livestock buyer og residente sa nasangpit nga dapit. Samtang ang suspek mao si Augustine Tudtud Jalalon.
Dali nga miresponde ang mga elemento sa kapulisan sa Dumingag MPS sa dapit nahitaboan hinungdan nga na-aresto ang suspek. Sa inisyal nga imbistigasyon nasayran nga sa may alas 06:00 ang takna sa hapon nag-inom ang biktima kauban ang mga barkada niini nga sila si Julito Ebisa og Balodoy Ebisa. Pagkahuman og inom sa biktima ang niuli kini sa iyang panimalay og wala nagkasinabot ang biktima og ang igsoon niini hinungdan ngavnagresulta kini sa pagpamusil.
Nakabaton og samad pinusilan ang biktima sa likod nga bahin sa iyang lawas og gidala kining gidala sa balay tambalanan.Samtang sa pagkakarun nagpahigayon og Follow-up operation ang kapulisan alang sa possible nga pagrekober sa armas nga gigamit sa suspek og ang motibo sa pagpamusil mao ang personal nga bangi.
Ang suspek ang detinado na karun sa Dumingag Lock Up cell samtang naghulat sa kaso nga ipasaka niini.
Tags; Mel Coronel, Kenneth Bustamante, RMN DXPR Pagadian
