Gutalac, ZDN-Padayon pa karon ang gihimong makuti nga imbistigasyon sa kapulisan sa lungsod sa Gutalac may kalabot sa nahitabong pagpamusil niadtong miaging gabie sa Domingo.
Didto kini nahitabo sa Public Market, Salvador, Gutalac, ZDN.
Ang biktima mao si Reneboy, Sabillon Enario, alyas Boboy, 54 anyos, taga Brgy. San Isidro, Gutalac uban niini si William Gumamay, residente sa Brgy. upper Gutalac.
Matod pa ang biktima ug ang iyang kauban, padulong na kini sila mo gikan sa Salavador Public Market sakay sa ilang Skygo Motor, mismo ang biktima ang drayber.
Pero sa wala pa sila naka gikan, kalit lang sila giduol sa wala mailang lalaki, nagsuot ug jacket ug naka mask sakay Kawasaki Baja ug sa walay daghang pangutana mipusil kini sa makadaghan nga higayon sa biktima gamit ang calibre .45, maayong pagkabuho sa likod ug dughan niini.
Gisulayan pa kinig dala sa tambalanan apan nakabsan ra sab kini sa iyang gininhawa.
Sa dugang imporamasyon gikan sa pnp Gutalac, nasayran kanhi na kini mitahan sa tokhang niadtong Hulyo 19, 2016, gituohan sab nga nalambigit kini sa pagpanulis sa may brgy. Salvador, Gutalac niadtong Nov. 2012 nga kung diin ang igsuon niini nasikop niadtong higayona.
Ang responsable dali kining misibat padulong sa lungsod sa Labason.
Padayon sab ang gihimong imbisitgasyon sa PNP aron masikop ug taralon sa hukmanan ang maong kriminal.
