[image: IFM 919 Logo (1).jpg]
UPDATE – Nalusaw na ang Tropical Depression Chedeng og nahimo na karong Low Pressure Area nga magdala gihapon og pag-ulan sa maagi-an niining lugar sa Region 12.
Base sa SEVERE WEATHER BULLETIN NO. 11 nga gipagawas sa weather bureau sa nasud nga PAGASA ganihang alas-8 sa buntag anaa sa Malungon, Sarangani Province ang presensya sa LPA.
Nag-abiso gihapon ang PAGASA ngadto sa mga local DRRMO ingon man sa mga residente sa Soccsargen area na posible gihapon matigayon ang pagbaha ug landslides tungod sa dala nga ulan sa LPA.
Gipahibalo usab ang mga gagmayng mananagat nga dili maglawod ilabi na sa eastern seaboards sa Visayas og Mindanao.
Kahibaw-an nga naglandfall ang Bagyong Chedeng alas-5:30 sa kadlawon didto sa Malita, Davao Occidental.
