Lalaki gipusil sulod sa JRMSU- Tampilisan

23

Tampilisan, ZDN-Nadala pa sa balay tambalanan ang biktima nga si Wilfredo Albiso Mamugay human kini gipusil sa wala mailang mga suspetsado.

Padayon karong ang ginahimo nga imbistigasyon sa kapulisan sa Tampilisan PNP may kalabot sa maong pagpamusil sulod mismo sa JRMSU, didto sa may brgy ZNAC, Tampilisan, ZDN

Nahitabo kini niadtong adlawng lunes, setyembre 10, 2018 mga 7:00PM kapin kun kulang.

Base sa gihimong pag imbistiga ni PO3 Carim Billones Magallion, kining biktima sakya kini siya sa motorsiklo uban ang angkas niini nga si Jessa Atig Camingawan nga taga brgy. Pob. Tampilisan.

Matod pa paghidangat nila sa lugar nahitaboan, gisundan kini sila sa wala mailang indibidwal ug mipusil kini sa biktima, maayong pagka igo sa ulo niini, human sa paghitabo dali nga misibat padulong sa wala masayring direksyon.

Kasamtangan karon naghimo ug makuting imbistigasyon ang PNP Tampilisan aron masayran ang tinuod nga hinungdan sa pagpamusil.

Facebook Comments