Senior citizen nahulog sa bisikleta, patay

51

Davao City – Patay nang nahidangat sa balay-tambalanan ang usa ka 75-anyos nga si Abundio Abad, lumulupyo sa may New Society Village Matina, ning syudad.

Sa inisyal nga imbestigasyon, mga bandang alas 8:25 sa kagabhion sakay sa iyang bisikleta nga dunay side car ang maong biktima gikan sa may Sitio Soriano, Catalunan Grande ning syudad, apan sa paggawas niya sa tungason nga dalan paingon sa C. P. Garcia Highway aksidente kining nahulog ug naparok ang ulo sa sementadong kalsada.

Atol sa pag responde sa Central Rescue 911, wala na sa panimuot ang tigulang ug patay na kining miabot sa Adventist Hospital sa Bangkal.

Kasamtangang anaa na sa St. Peter Funeral Parlor ang patay’ng lawas sa biktima.

RadyoMaN Paul Canono

Facebook Comments