Manukan, ZDN-Patay nang nahidangat sa balay tambalanan ang usa ka biktima nga gipusil didto sa may brgy. San Antonio, lungsod sa Manukan, ZDN sa nakalabayng byernes.
Ang biktima mao si Archie Nazareno Cerna, 38 anyos ug drug surenderer sa lungsod sa Roxas ug nagpuyo kini sa may brgy. Galukso sakop sa lungsod sa Roxas, ZDN.
Sa gihimong makuti nga imbistigasyon sa kapulisan sa Manukan, matod pa nga ang biktima nakig inom kini uban kang Michael Cabalida ug lain pang duha nga mga kauban.
Sa wala madugay, milakaw kining biktima sakay sa iyang motorsiklo padulong sa brgy. Dipane, Manukan kun asa temporary kining nanimuyo sa maong lungsod.
Paghidangat niini sa siot nga dapit subaysa dalang nasyunal sa may brgy. San Antonio, Manukan, kalit kining gipusil sa makatulo ka higayon gamit ang kalibre .45 sa wala mailang responsable, maayong pagkaigo sa iyang tiyan ug ulo nga mao’y mitsa sa iyang diha diha nga kamatayon
Base sa taho sa PNP Manukan, Love triangle ang ilang gitan-aw karon nga hinungdan sa pagpusil patay sa biktima.
