General santos City—samad dinunggaban ang naangkon sa usa ka Larry Monato, hingkod ang pang-edaron, residenti sa Barangay Mabuhay ning dakbayan human kining gidunggab sa suspek nga giilang si Kimpie Banayo, usa ka mikaniko ug residenti sa Purok Johny-ang, Barangay City Heights Gensan.
Subay sa report sa Police Station 4 nasuta nga alas 6:45 ang takna kagabie, samtang nag ilis ang biktima sulod sa iyang kwarto, kalit lang misulod ang suspek dayon siya gidunggab igo sa iyang liog.
Nakadagan ang biktima gawas sa ilang panimalay ug nakapangayog tabang sa iyang mga silingan. Gilayon nga gidala sa ospital ang biktima ug kasamtangan na karon nga gipailawom sa medikasyon.
Samtang paspas usab nga nakarespondi sa lugar ang kapulisan mao nga malampusong nasikop ang suspek ug anaa na karon nag tingkagol sa Police Station 4.
