Napuno sa bun-og ang nawong sa usa ka lalaki human kini gikulata sa mga residente dihang gitumbok nga suspek sa pagpanglugos sa 2 anyos nga bata kagahapon sa kadlawon atol mismo sa pagtabo bag-ong tuig sa Brgy. Tambacan ning syudad sa Iligan.
Suspetsado giilang si Ibrahim Bulo Adiong, 27-anyos, single, nga taga Barangay Tomas Cabili ning syudad sa Iligan,
Sumala sa amahan sa bata nga ang maong suspek uban sa mga kaila nakigselebrar sa new year apan nakurat siya pag ayo dihang hubo kini sulod sa kwarto kung asa iyang anak nga 2 anyos natulog niadtong tungora.
Sapon sa akto sa amahan nga gibira niini ang pribadong parte sa lawas gikan sa bata hinungdan nga misinggit ang amahan nga gilugos iyang anak.
Naalarma ang mga silingan hinungdan gitabangan kining kulata resulta nanghubag ang nawong niini dihang naabtan sa kapolisan sa Iligan City Police Station 4.
Detinado na karon ang suspek sa presento 4 samtang gipaubos na sa mediko legal ang maong biktima.
