Davao City – Gikumpirma sa Carmen Municipal Police Station (MPS) nga adunay nakaplagang patay nga lalaki sa Carmen, Davao del Norte nga nasutang adunay tadtad sa kalawasan ug samad sa liog kun laslas.
Sa pakighinabi sa DXDC RMN Davao sa Carmen MPS, padayon pa nilang ginaimbestigahan ang pagpatay sa lalaking anaa sa 35- 40 anyos ang pangedaron, naka black tshirt ug grey shorts sa Purok 5-B, Barangay Magsaysay, Carmen niadtong adlawng Lunes, Mayo 6, 2019.
Sa karon, ginasuta pa sa kapulisan ang identity sa biktima gumikan way nakitang mga IDs niini ug uban pang butang nga magamit sa dugang imbestigasyon.
Niadtong tungora, dali nila gidala sa balay tambalanan sa Carmen ang biktima ug nagpadayon ang imbestigasyon sa kapulisan kalabotan niini.
RadyoMaN Renz Barbarona
