General Santos City—Samdan ang usa ka lalaki human nga gitigbas sa iyang kainum sa may Purok Sto. Niño, Barangay San Jose, Gensan, alas 3:30 ang takna sa hapon kagahapong adlawa, Agusto 19, 2018.
Giila ang biktima nga si Rico Gicale, 30, residenti sa maong lugar.
Sa inisyal nga imbistigasyon sa kapulisan nga nakig-inum ang biktima sa iyang mga kaubanan didto mismo sa ilang lugar.
Apan dihang nangahubog na ang mga nahisgutan nagkabingkil ang biktima ug ang usa niya ka kaubanan sa trabaho nga misangko sa agpanunggab.
Dali nga gidala sa ospital ang biktima samtang ang suspek paspas usab nga misibat.
Sa karon nagpaalim pa sa Dr. Jorge Royeca Hospital ang biktima, samtang nagpadayon pa ang gihimong imbistigasyon sa kapulisan kalabutan sa insidenti.
