Extra Wow Balita – Lalaki sa Nevada halos patyon ang iya roommate bangud ginkaon ang iya itlog.
Suno sa Las Vegas Police arestado nila ang 43 anyos nga si Sisay Wendahun bangud gintuyo sini nga patyun ang iya roomate.
Sa imbestigasyon sang pulis nag-abot si Wendahun nga nakainom kag nagluto sang itlog para sa iya panyapon.
Gin-agda niya ang roommate nga wala ginhingalanan kun gusto man sini ang itlog apang nagpamalibad ini.
Apang sang nagatulog na si Wendahun nabugtawan niya ang roommate nga ginakaon ang iya itlog.
Sa kaakig nabun-an niya ang lalaki gani ginkasuhan sya sang attemptred murder kag battery with a deadly weapon nga may pyansa nga $12,000.
Paathag ni Wendahun naakig sya sa roommate bangud sang gin-agda wala nagkaon apang ginkawat ang iya itlog samtang sya nagakatulog.
Nahibaluan nga homeless gale ang biktima kag ginpatulog lang ni Wendahun apang wala na sang gana nga maghalin sa iya balay.
