Nagagwa sa datos nga kadam-an sa mga nagakomitir sang suicide sa South Cotabato ang mga lalaki tungod sa 30 ka kaso sang Enero tubtob Hunyo subong nga tuig 18 ang narekord.
Sa eksplinasyon sang isa ka Psychiatrist nga si Dr. Marius Oco sa ginpatigayon nga Mental Health Forum for Media Partners ini tungod ang mga lalaki ang may kapasidad kag bayolenti tungod sila ang may access sa madali nga gamiton kapareho sang armas, pesticide kag iban pa.
Samtang kadam-an naman sang nagkomitir sang suicide sa probinsya ang nagaedad sang 10 tubtob 19 –anyos nga nakarecord sang napulo ini tungod ang nasambit ang edad ang madali suno pa nga madepress.
May-angot sini, lakip sa mga dapat tandaan kon yara sa depression ang kapamilya ukon kakilala amo nga kon indi na katulog sa sulod sang duha ka semana, negatibo ang pagpanghunahuna, wala na gana maghulag kag iban pa.
Advice naman ni Dr. Oco nga kon may kapareho nga senyales ang istoryahon kon maistorya pa kag kon indi na makig-istorya kinahanglan na nga magpalapit sa psychiatrist.
Ginhatagan man niya punto nga indi dapat suno pa i-sensationalize ang impormasyon angot sa insidente sang suicide sa radyo man telebisyon ilabi na sa social media kag dapat ang impormasyon ang makahangkat nga malikawan ang pagpakamatay.
