General Santos City—Kulatado ang usa ka James Lastemosa, 18, residenti sa Barangay Tambler human gitabangan ug kulata sa usa ka imnanan sa may Roxas Street, Barangay East, Gensan alas 3:00 ang takna sa kaadlawon.
Nasayran nga nag inum ang biktima uban sa iyang mga amigo sa maong lugar, mga alas 10:00 ang takna sa gabie dihang dunay miabot nga grupo sa kalalakin-an, nag uban matud pa sila ug lamesa apan dihang nangahubog na didto na nahitabo ang bingkil nga miresulta sa pagpangulata.
Ang biktimang si Lastemosa maoy nagrabihan gumikan wala na kini makadagan dihang siya gitabangan.
Paspas man nga nanibat ang mga suspek human sa pagpangulata, samtang ang biktima gidala dayon sa Dr. Jorge Royeca Hospital human nakaangkon ug daghang bun-og ug samad sa kawas.
Sa karon padayon ang gihimong imbistigasyon sa kapulisan kalabutan sa maong insidenti.
